Lechon Baboy

Tungod sa akoang kaibug,wala ko kaagwanta sa lechon baboy nga hastang mahala.usa ka kaunan,120 pesos na!

Pumpkin Soup

Lamian nga pumpkin soup sa euro cafe gaisano mall davao,tag 65 pesos lang!

Spring in the City

40 pesos ang isa,breadtalk spring in the city.

SM Lanang Premier

pagka-nindot na lang!labi na kay naay forever 21,nga gikabisihan...

Banana Wallnut

Wala ko kaagwanta nagtan-aw sa waffle,samtang namili ug unsay akoang kaunon sa paniudto.

Original Burger

Kalami na lang....

Unang Adlaw sa Karuizawa

Gikan sa omiya,padulong karuizawa sakay mi ug shinkansen.

pag-abot sa karuizawa,bugnaw kaayo ang klima,kumpara sa omiya.

ug sa paniudto namo,lamian kaayo nga soba.

dayon shopping nga pinabongga,bisan walay dala.

pero,human ug baktas-baktas,higop ug kape sa mampei hotel.

dayon,pagkahuman ug inom...lakaw na pud para manihapon... ug sa pag-abot!

dayon,ang ilahang mga pagkaon,nga amoang gikaon...kadaghan na lang! ug kalami pa gyud...

hangtud sa sunod na pud nga balik!!!

Ikaduhang Adlaw sa Karuizawa

Sa buntag,sosyal kaayo mi ug giadtoan para sa amoang pamahaw.uban sa akoang bana ug bilas.diri mi nag-breakfast sa prince hotel karuizawa,ug ania ang akoang gipangkaon.

ug human sa breakfast,balik sa balay....taud taud,gipangutana ko nila ug kabalo daw ko magbike?human praktis dayon....dios ko!mikurog akoang tuhod sa kahadlok,pero kailangan gyud daw ko makabalo,para makaabot mi sa coffee shop nga 20 minutos pa sakyon.ug nakabalo ra ko sa kadugayan,pero...sakay hunong ang sitwasyon.mas gikapoy hinuon ko.pero....di bale ang kakapoy...kay lami man pud ang akoang gipangkaon.

Paniudto!

Sa kanunay,permi na lang mi sa teriyaki boy abreeza maniudto,kada naa mi paliton sa supermarket.ug mao ni amoang paniudto...
Agedashi tofu,curry ika fry,ug kaitai maguro.

Tiramisu Cake

Sayo pa sa buntag,nagcake na!

Durian

Salamat!!!kaayo...sa pasalubong nga durian.kaso lang,perting lisura abrehan!

Perting!Kapoya...

Unang-una,gikapoy nako daan ani kay daghan nami ug giadtoan sa akoang bana buntag pa lang...kuyog-kuyog ra ko... pero,kay laag man,sige....walay reklamo. pagka-alas dos sa hapon,kauban mi sa amoang amigo padulong sa haneda airport,sakay aning monorail,para...makakita sa haneda airport.

pagkahuman sa haneda airport,diretso na pud mi diri sa hamarikyu gardens. nagpahuway samtang naghigop aning lamian nga tea,ug perting pamaypay kay hastang inita.

human sa maong pahuway,diretso na mi dayon sa water bus,para balik sa asakusa.

pag-abot sa asakusa,sakay na pud mi ug train,balik sa ueno,duol sa amoang gipuy-an nga hotel. gikapoy kaayo ko,kay akoang mga kauban,perting kusoga manlakaw....daw dala dagan.sige na lang,unsaon ta man!

Ueno

Sa ikaduhang adlaw namo(kauban akoang bana) sa japan,sa Ikebukuro mi banda nagpoyu. ug tungod naay trabaho akoang bana sa iyang musika,ako ang nahibilin sa hotel. unya,kay mingaw man sa sulod...maong miadto ko sa ueno ug nagtuyok-tuyok ko sa ameyoko,nga nag-inusara.

pagkahuman sa makalingaw kaayo nga tan-awonon,misangko ko sa kaononon. ug dinhi sa paborito nakong kan-anan,saizeriya!