28 January 2013

Jollibee

Lahi ra gyud ang lasa sa jollibee,magpangita ka!labi na kung naa ka sa laing nasud.

27 January 2013

Waterfront Davao

Sa ngalan nga laag,walay balibaray ni amoang style.basta dili lang malimtan ang camera ug dala. karon,waterfront davao ang amoang natripan nga laagan. linaw ang palibot,maong nindot maglibot libot!

23 January 2013

Balik Davao

Last night namo sa omiya.
ug pagkabuntag,nagbus mi padulong narita.
ug salamat sa dios!walay traffic,sayo mi naabot,ug sayo sab mi nahuman sa check-in counter A sa PAL.pagkahuman namahaw,ug diretso dayon sa immigration. pagkahuman sa immigration,baktas padulong sa boarding area.
before nanaug sa may boarding area,hapit sa para sa dugang pasalubong!
pero pag-abot sa boarding area,wala pa sab kaayo tao,maong nakarelaks pa ko.pero,sa biyahe dili maayo ang dagan,maong deadma na lang!
pero,pag-abot sa davao,hayahay na ang paminaw....walay makalabaw!

20 January 2013

Pechay

Nalingaw gyud ko nagtan-aw aning pechay sa mga hapon,hastang dakua.murag kaupaton ang atoang pechay dinhi sa pinas.

19 January 2013

Ramen

Ang kainit sa ramen,ang tubag sa perti katugnaw nga panahon dinhi sa amoang bakasyon.ug para makompleto ang panihapon,dapat naay gyoza para bongga!



18 January 2013

17 January 2013

Akafuku

Unang beses ko nakatilaw ani,sa sugod hadlok ko basin unsay lasa.ug sa dihang nakatilaw nako,aguy!hastang lamia...ug pilit kaayo,kabuang gud ko ug tulon!

16 January 2013

Sumida Park

Sa kagustohan nga makakita sa skytree,nangadto mi sa sumida park,ug samtang nagtan-aw ko sa skytree,mitugpa ni sa akoang atubangan nga langgam.ug tungod siguro sa katugnaw,gusto magpoyu na lang!

15 January 2013

Souvenir Shop

Kadaghan sa pwedeng kapilian sa souvenir shop japan,pero,andama lang ang pitaka,kay ang presyo dili basta-basta,makabuslot pud ug bulsa.

14 January 2013

Soba

Sa una,dili ko ganahan ug soba,tungod kay...maglisud ko ug tulon.pero,sama kalami ani,ug panalagsaon nga lasa,nga... ginatawag nila ug kurumi soba,aguy...karon nagpangita na!

13 January 2013

Chocolate Cake

Ang rason nganong nakapalit ko ug chocolate cake,tungod kay... gusto ko makakuha ug nindot nga litrato sa ilang cake. nindot man gud tan-awon ang display sa mga hapon!tipong gusto lang nimong tan-awon or gusto nimong kaunon!

12 January 2013

Starbucks

Sa tibuok biyahe namo sa japan,ang starbucks ra ang akoang dangpanan panahon nga gusto ko makagamit ug internet koneksyon.ang problema,kadaadto nako,permi walay malingkuran.usahay maghulat pa ko kung naay mogawas,para makalingkod.

11 January 2013

Salmon

Tungod sa akoang ka-ignorante aning salmon,nagtoo gyud ko sa una,nga gibutangan ni ug coloring.hahay!pagka-nalang... wala man gud ni nauso sa amoang balay sud-anon,maong wala ko kaila. ug sa amoang pagbisita sa ameyoko ueno japan,nalingaw kaayo ko nagtan-aw aning salmon nga naka-display,gani..nakapalit mi tungod sa kabarato.

09 January 2013

Snow

Hasta gyud nakong lipaya nakakita ug snow nga naghulog-hulog sa kadaghan,pero hasta pud nakong konsimisyona pagtulog na!kay ang higdaanan ug ang snow hastang duola.murag wala gud ko kabati nga naa diay heater sa amoang kwarto.



08 January 2013

Pamahaw

Mao ni ang amoang pamahaw ganiha sa narita airport,human sa taas nga biyahe,usa ka onigiri ug pudding.hay!kalami...na lang!lahi ra gyud...

04 January 2013